პუბლიკაციები

2025 წელს საქართველოში ინფლაციის ტემპი, წინა წელთან შედარებით, აჩქარდა. 2026 წლის მაისში სამომხმარებლო ფასების წლიურმა ზრდამ 5.7% შეადგინა. მაისის ინფლაციაში მაღალი წვლილი სურსათისა და უალკოჰოლო სასმელების ფასებმა შეიტანეს, რომლებიც 5.2%-ით გაიზარდა. თუმცა რიგ სექტორებში ფასების კლება დაფიქსირდა, მათ შორის კავშირგაბმულობის ფასები ყველაზე მეტად, 6.4%-ით შემცირდა. ამ ფონზე ცენტრალურმა ბანკმა ბოლო გადაწყვეტილებით რეფინანსირების განაკვეთი 8.25%-მდე გაზარდა.

წარსულში რეგიონში ფასების დინამიკით სომხეთი გამოირჩეოდა. 2026 წლის მაისში სამომხმარებლო ფასების წლიური ზრდა 4.2% იყო. ყველაზე მაღალი, 7.7%-იანი ზრდა ალკოჰოლის ფასებზე დაფიქსირდა, ხოლო ყველაზე დაბალი, 0.4%-იანი ზრდა საყოფაცხოვრებო ნივთების ჯგუფში იყო. სომხეთის ცენტრალურმა ბანკმა მონეტარული პოლიტიკის შემსუბუქება 2023 წელს დაიწყო. ბოლო გადაწყვეტილებით რეფინანსირების განაკვეთი 6.5%-ზე შენარჩუნდა.

აზერბაიჯანში ინფლაცია აჩქარდა. 2026 წლის მაისში სამომხმარებლო ფასების წლიურმა ზრდამ 5.6% შეადგინა. აპრილში ეს ნიშნული 5.5% იყო. აზერბაიჯანი რეგიონში შედარებით მაღალი ინფლაციით წინა პერიოდებში გამოირჩეოდა. მიუხედავად ამისა, აზერბაიჯანის ცენტრალური ბანკი პოლიტიკის გამკაცრებისგან თავს იკავებდა. მაისში მიღებული გადაწყვეტილებით პოლიტიკის განაკვეთი 6.5%-ზე შენარჩუნდა.

სრული დოკუმენტი იხ. მიმაგრებულ ფაილში.